पोइला जानेले अंश दावी गर्न मिल्दैन, सुर्य चिन्ह हाम्रो हो : महेश बस्नेत

२८ पुष,काठामाडौ । नेपाल कम्युनिष्ट पार्टी (नेकपा) का केन्द्रीय सदस्य महेश बस्नेतले सुर्य चिन्हमा पुष्पकमल दाहाल प्रचण्ड र माधव कुमार नेपालले दावी गर्न नपाउने बताएका छन् ।

उनले सुर्य चिन्हमा केपी ओली बाहेकले दावी गर्न नसक्ने बताएका छन् । आफुहरुको नैसर्गिक अधिकार रहेको बताउँदै प्रचण्ड माधव समुहले सुर्य चिन्ह दावी गर्नु भनेको पोइला गएकाले घरको अंशमा दावी गरे जस्तो हुने बताएका छन् ।

राष्ट्रिय युवा संघ नेपाल झापाले आयोजना गरेको बृहत युवा भेलालाई सोमबार धुलावारीमा सम्बोधन गर्दै नेता बस्नेतले पोइला जानेले अंश दावी गर्न नपाउने धारणा राखेका हुन् ।

नेकपाभित्रबाट माधव कुमार नेपाल समूह प्रचण्ड समूहमा पोइला गएको टिप्पणी गर्दै उनले अब सो समूहले नेकपाको कुनै पनि कुरा दावी गर्न नमिल्ने बताए ।

बस्नेतले नेकपा विवादको मुख्य कारण नै प्रचण्ड र माधव नेपाल भएको बताएका छन् । उनले प्रधानमन्त्री केपी शर्मा ओली जनताको बिचमा राजनेताको रुपमा स्थापित हुँदै गएपछि उनीहरुमा इस्र्या बढेको बताए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
1
+1
0
+1
3

सम्बन्धित समाचार

Back to top button