उडीरहेको विमान भित्र एयर होस्टेजलाई जबरजस्ती काखमा राख्न खोज्ने पाइलटको जागीर चट
एजेन्सी । उडीरहेको विमान भित्र एयर होस्टेजलाई जबरजस्ती काखमा राख्न खोज्ने पाइलटको जागीर चट भएको छ ।
यस्तो हर्कत स्पाइसजेट एयरलाइन्सका एक पाइलटले गरेका हुन् ।
बोइंग ७३७ जहाजको ककपिटमा लगेर जबरजस्ति काखमा बस्न लगाएपछि उनी वर्खास्तिमा परेका हुन् ।
कोलकत्ताबाट बैंकक फ्लाइटको जहाजका पाइलटले एयरहोस्टेजलाई ककपिटमा बोलाएर काखमा बस्न लगाएको अन्तराष्ट्रिय संचार संस्थाहरुले उल्लेख गरेका छन् ।
ति पाइलटले उडीहरेको बिमान भित्र एयरहोस्टेजमाथि यौन शोषण मात्रै नगरी यात्रुहरुको जीउ धनमाथी समेत खेलवाड गर्न खोजेको आरोप लगाइएको छ ।
अन्तराष्ट्रिय मिडियाका अनुसार ति पाइलटलाई कडा भन्दा कडा कारबाहि हुने अनुमान गरिएको छ ।
कपाल नहुनेलाई खुशिको खबर, अब नेपालमै तीन हजार रौँ तीन दिनमै प्रत्यारोपण गर्न सकिने
काभ्रेपलाञ्चोकको धुलिखेलमा आजदेखि कपाल प्रत्यारोपणसम्बन्धी दुईदिने कार्यशाला गोष्ठी सुरु भएको छ ।
नेपालभरका ३० जना छाला तथा चर्मरोग विशेषज्ञहरुको सहभागिता रहेको उक्त गोष्ठीमा कपाल प्रत्यारोपण विधिबारे छलफल गरिनाका साथै सैद्धान्तिक र व्यावहारिक ज्ञान दिइने छ ।
तालुपना तथा कपाल खुइलिने समस्यालाई ध्यानमा राखेर धुलिखेल अस्पतालले विगत छ महिनाको अवधिमा करिब ६० जनामा कपाल प्रत्यारोपण गरेको छाला तथा चर्मरोग विशेषज्ञ डा धर्मेन्द्र कर्णले जानकारी दिनुभयो ।
तीन हजार रौँ प्रत्यारोपण गर्नुछ भने तीन दिन लाग्ने नत्र एक दिनमै भ्याउन सकिने उहाँको भनाइ छ । त्यसका लागि कम्तीमा रु ५०० देखि तीन हजार ५०० सम्म खर्च हुन्छ ।
कपाल बढी भएको ठाउँबाट एक–एक गरी निकालेर नभएको ठाउँमा रोपिने (एफयुटी) विधि र टाउको पछाडिको कपाल छालैसमेत काटेर निकाली नभएको ठाउँमा रोपिने (एफयुई) विधिमार्फत कपाल प्रत्यारोपण गरिन्छ ।
डा कर्णले कपालको प्रत्यारोपण छाला रोग विशेषज्ञले मात्रै गर्नुपर्ने र प्रत्यारोपणबाट झन्डै चार महिनाको अवधिमा सन्तोषजनक परिणाम आउने बताउनुभयो ।
उहाँका अनुसार रौँमात्रै निकालेर गरिने कपाल प्रत्यारोपण प्रविधिबाट कुनै खराव असर हुँदैन र प्रत्यारोपणपछि औषधि खानुपर्ने झन्झट पनि रहँदैन ।
