टाउकोको ओखती नाइटोमा लगाएर हुन्न : बाबुराम भट्टराई
काठमाडौं । जनता समाजवादी पार्टी (जसपा)का संघीय परिषद अध्यक्ष तथा पूर्वप्रधानमन्त्री डा. बाबुराम भट्टराईले देशको चौतर्फी संकटको प्रमुख कारण राजनीतिक दल र तिनको नेतृत्वमा आएको स्खलन भएको बताएका छन् ।
देशको चौतर्फी संकटको प्रमुख कारण राजनीति दल/नेतृत्वको स्खलन भएको भट्टराईले बताए ।
सामाजिक सञ्जाल ट्वीटरमा भटराईले आइतबार बिहान लेखेका छन्, ‘भनिन्छ–टाउकाको ओखती नाइटामा लगाएर हुन्न । अहिले देशको चौतर्फी संकटको प्रमुख कारण राजनीति/दल/नेतृत्वको स्खलन नै हो।’
नेता भट्टराईले पार्टी र नेतालाई आमुल परिवर्तन गर्नुपर्ने वा नयाँ बनाउने आँट गर्नुपर्ने बताए ।
कांग्रेस ‘कांग्रेस’नरहनुस कम्युनिष्ट ‘कम्युनिष्ट’नरहनुस समाजवादी ‘समाजवादी’नरहनु १ कि यिनलाई आमूल रूपान्तरण गर्ने वा नयाँ बनाउने आँट गरौं । नत्र समयले कसैलाई पर्खन्न है,’ भट्टराईले लेखेका छन् ।
पक्की घर कच्ची मोटरबाटोको शिकार
गुल्मीको सदरमुकाम तम्घास नजिकै वेदुखर्क टोलको वस्ती तल पनि मोटरबाटो माथी पनि कच्ची मोटरबाटो खनिएका कारण उच्च जोखिमा परेको छ । २०/२२ घरधुरी रहेको त्यो एउटा सानो टोलको तल माथी र बिचमा गरेर तिन वटा मोटर बाटाहरु छन् । अगाडी एउटा मुख्य सडक छ ।
त्यसदेखि २ सय मिटर तल भिरमुनी अर्को मोटर बाटो खनिएको छ । घरै माथी सय मिटर दुरीमा फेरी अर्को मोटरबाटो खनिएको छ । यसरी घर वस्तीको तल माथी मोटरबाटो खनिए पछि वर्षायाम लागे लगत्तै माथिबाट पुर्ने हो कि तलबाट तानेर बगाउने हो भन्ने पिर चिन्ता र त्रासमा रहेका हुन् त्यहाँका वासीन्दाहरु ।
असार १ गते देखि माथिको मोटरबाटो बाट पहिरो झर्ने र तल्लो मोटरबाटोबाट पनि पहिरोले तान्ने क्रम चलिरहेको छ ।
टोलको बिचमा तम्घास अर्घाखाँची मुख्य सडक हालसालै कालोपत्रे गरिए पनि हिलोम्मे छ । तिन दिन अघि माथिल्लो मोटरबाटोबाट आएको पहिरोले पुरेर त्यहाँका पाँच घर विस्थापित भई भई सकेका छन भने अन्य घरहरु उच्च जोखिममा रहेका छन् ।
त्यस टोलका रामबहादुर खड्का, लक्ष्मी कुँवर, कविता कुँवर, तुल्सीराम कुँवर र वोमनारायण सुवेदीको परिवार विस्थापित भएका हुन । तलै मोटरबाटो माथी मोटरबाटोका कारणहरु आफुहरु उच्च जोखिमा परेको तुल्सीराम कुँवरले बताए ।
उनीहरुको वस्ती देखि २ सय मिटर तल तम्घास खाम्सेपानी हुँदै प्युठान जोड्ने सडक खनिएको छ ।
वस्ती अगाडी तम्घास अर्घाखाँची मुख्य सडक र वस्तीको सय मिटर माथी वेदुखर्क भुजेलर्ख कच्ची सडक खनिएका कारण त्यो वस्ती उच्च जोखिमा परेको हो ।
त्यस्तै रेसुङ्गा नगरपालिका वडा नम्वर ३ भाडगाउँको २२ घरधुरी दलित वस्ती मोटरबाटो कै कारण पहिरोले उच्च जोखिमा परेको र उनीहरुलाई वस्तीबाट विद्यालयमा लगे राखिएको वडाध्यक्ष थम्मनबहादुर केसीले बताए ।
त्यस गाउँमा पनि तल र माथी गरि दुई वटा मोटर बाटाहरु छन् । जिल्लाका अधिकांश स्थानमा मोटरबाटो कै कारण बस्तीहरु उच्च जोखिममा परेका छन् ।
कालिगण्डकी गाउँपालिकाको केन्द्र रहेको स्थान पुर्तिघाट बजारको एउटा पाउरोटी उद्योग सहित माथी मोटरबाटोबाट चर्किएको जमिन खस्ने १२ घरपरिवार विस्थापित भएको त्यस गाउँपालिका अध्यक्ष वेद थापा मगरले बताए ।
