फेरि बढ्यो पेट्रोलियम पदार्थको मूल्य

नेपाल आयल नियगले एक साता नबित्दै फेरि पेट्रोलियम पदार्थको मूल्यवृद्धि गरेको छ। मंगलबार निगमले पेट्रोल, मट्टितेल, डिजेल र हवाई इन्धन (आन्तरिक) मा २ रुपैयाँ मूल्यवृद्धि गरेको हो।

यसअघि माघ २८ गते पनि निगमले डिजेल, पेट्रोल र मट्टितेलमा २ रुपैयाँ र खाना पकाउने ग्यासमा प्रतिसिलिन्डर २५ रुपैयाँ मूल्य वृद्धि गरेको थियो।

पछिल्लो वृद्धिसँगै काठमाडौँ उपत्यकामा अब पेट्रोलको मूल्य ११४ रुपैयाँ, र डिजेल/मट्टितेलको मूल्य ९७ रूपैयाँ कायम भएको छ।

यस्तै आन्तरिक तर्फको हवाई इन्धनको मूल्य ६७ रुपैयाँ कायम भएको छ। मंगलबार राति १२ बजेदेखि वृद्धि भएको मूल्य लागू हुने निगमले जनाएको छ।