महिला सांसदलाई डिआइजीले नै हात हालेपछि….

काठमाडौ । लुम्बिनी प्रदेशमा आइतवार छिनछिनमा भएको राजनीतिक घटनाक्रम सोमवार भने उग्र भएको छ । केही महिला सांसदले आफूहरुमाथि प्रहरी प्रशासनले हातपात गरेको आरोप लगाउँदै विरोधमा उत्रिएका छन् ।

उनीहरुले पत्रकार सम्मेलन गरी प्रदेश प्रमुखको कार्यालयमा प्रदेश प्रहरी प्रमुख डीआईजी रवीन्द्र धानुकले नै महिला सांसदलाई हात हालेको आरोप लगाएका छन् ।

आइतवार विपक्षी दलको विरोधका बावजुद शंकर पोखरेल मुख्यमन्त्रीको सपथ खान लागेपछि सांसदहरु विरोधमा उत्रिएका थिए । उनीहरु संसद भवन बाहिर धर्नामा बसेका थिए । 

मुख्यमन्त्रीको सपथ रोक्न धर्नामा बसेका महिला सांसदमाथि प्रदेश प्रहरी प्रमुख धानुकले बल प्रयोग गरेको उनीहरुको आरोप छ ।

भिडभाडमा महिला सांसदको संवेशदनशिल अंगहरुमा पनि छोइएको बताएका छन् । पत्रकार सम्मेलनमा प्रहरी प्रमुखले महिला हिं सा गरेकाले उनलाई निलम्बन गर्नुपर्ने नेपाली काँग्रेसका संसदीय दलका नेता वीरेन्द्र कनौडियाले बताए ।

डीआईजी धानुकको नेतृत्वमा महिला सांसद निर्मला क्षेत्री, फूलमति ढेगा, लौटी थारु, सुष्मा यादव, पुष्पा थरुनी, गीता थापामाथि हातपात भएको नेपाली काँग्रेसकी सचेतक निर्मला क्षेत्रीले पत्रकार सम्मेलनमा बताइन् ।

महिला सांसदहरुको संवेदनशील अङ्गमा हात पात भएको छ, हातपात गर्ने प्रहरी प्रमुख धानुकलाई कारबाहीको माग राखेका छौं’ क्षेत्रीले भनिन् ।

लुम्बिनी प्रदेशको विपक्षी गठबन्धनले अल्पमतमा रहेको दलका नेतालाई मुख्यमन्त्रीमा नियुक्ति र सपथ गराइएको घटनाको कानूनी र राजनीतिक ल डा इँ लड्ने प्रतिबद्धता जनाएको छ ।

यो पनि,,,चुनाव जितेको खबर पाएपछि विवाह बिचैमा रोकेर बेहुली जव मतगणनास्थलमा पुगीन्

एजेन्सी । मण्डपमा बेहुला बेहुली बसिरहेका थिए । विवाहको कर्म भइरहेको थियो । त्यसैमा वेहुलीले चुनाव जितेको समाचार मण्डपमा आइपुग्यो ।

उनले (बीडीसी) गाउँ विकास समिति सदस्यको रूपमा पञ्चायत चुनाव जितेको खबर पाइन् उनले त्यो खुसी सम्हाल्न सकिनन् । उनले विवाह छोडेर हिडिन् । दुलहीले बिहेको समारोह बीचमा रोकेर सिधै मतगणना स्थल पुगीन् ।

यो घटना रामपुरको मिलाक तहसीलको मोहम्मदपुर जाडिद गाउँको छ। जहाँ यूपीको बरेलीबाट जन्ती आएको थियो। विवाह मंडप सज्जित थियो र दुलही पूनम उनको विवाह समारोहमा सरिक भएकी थिइन् ।

उनलाई त्यती नै बेला थाहा भयो उनले पञ्चायत चुनाव जितेकी छन् । त्यसैले उनको खुशीको सिमाना नै रहेन उनी विवाह समारोह रोकेर सीधै मतगणना स्थलमा पुगीन् ।

उनी मतगणनास्थलमा रातो बेहुलीको लुगा र गहनाले झकिझकाउ भएर पुगेकी थिइन् । उनलाई यस्तो रुपमा देखेर सबै छक्क परे । तर जब मानिसहरूले थाहा पाए कि दुलही बीडीसी सदस्यको चुनावमा खडा छिन् र उनी विजयी पनि भइन् सबैले बधाई दिन थाले ।

पंचम चुनावमा पूनमले ६०१ मत ल्याई आफ्नो प्रतिद्वन्द्वी शकुन्तलालाई ३१ भोटले पराजित गरिन् ।

यो जितसँगै, पूनमको खुशी दोब्बर भएको छ। भनिन्छ कि केहि अनुष्ठान भइरहेको थियो र केहि पूरा भएको थियो। यस समयमा, दुलही पूनमले मतपरिणाम थाहा पाएपछि विवाह रोकेर मतगणनास्थलमा आएर जितको प्रमाणपत्र लिएकी छन् । विजयपछि पूनम भन्छिन् कि एकातिर विवाहको खुशी छ र अर्कोतिर बीडीसी सदस्यको रूपमा छानिएको छु ।

म यो क्षणलाई कहिले भुल्न सक्दिन यो भन्दा ठूलो मेरो लागि के हुन सक्छ, पूनमले भनिन् विवाहको विधिहरू पूरा गर्न बाँकी नै छ । म विजयको प्रमाणपत्र लिन आएकी हुँ । गाउँमा विवाह समारोह भइरहेको छ।