१५ घण्टासम्म बुवा आमाको शव घरमै, युवकले पाएनन् कसैको सहयोग : श्रीमती समेत भेन्टिलेटरमा

एजेन्सी । कोरोना भारतमा अहिले निकै समस्या उत्पन्न गराएको छ । संक्रमितले उपचार त पाउन सकेका छैनन् निधन भएकाहरुको पनि अन्तिम संस्कारका लागि परिवारले निकै संघर्ष गर्नुपरेको छ ।

मानिसहरू यति डराउँछन् कि तिनीहरू विपत्तीको समयमा कसैलाई पनि मद्दत गर्न तयार छैनन्। भारतको बुरारी क्षेत्रमा लक्ष्मण तिवारी नाम गरेका एक युवकलाई पनि यस्तै भएको छ। उसको सम्पूर्ण परिवार कोरोना संक्रमित भयो। केही घण्टामै आमा बुबा दुवैको मृत्यु भयो, श्रीमती अस्पतालमा आफ्नो जीवनको लागि संघर्ष गर्दैछन् ।

यस्तो समयमा, लक्ष्मणले छिमेकी र आफन्तहरुसंग आमा बुबाको अ न्त्ये ष्टिका लागि सहयोग खोजे तर कसैले उनीहरूलाई सहयोग गर्न सकेनन्। शव १५ घण्टा सम्म घरमा राखिएको थियो।

पुरानो दिल्लीमा एनजीओ चलाउने सादिक र इर्तिजालाई यसको बारेमा जानकारी भयो । उनीहरूले पुलिसलाई दम्पतीको अन्तिम संस्कारका लागि आग्रह गरे ।

जानकारीका अनुसार युपीको गाजीपुरका लक्ष्मण तिवारी आफ्नो परिवारसँग बुरारीमा बस्छन्। उनको पछि उनका ८० वर्षीय बुबा, ६७ बर्षे आमा, श्रीमती र चार वर्षको छोरा छन्। घरमा सबैजनाको स्वास्थ्य पछिल्लो केही दिनदेखि खराब थियो। जब उनको स्वास्थ्य बिग्रियो, लक्ष्मणकी श्रीमती बुरारीको अस्पतालमा भर्ना भइन्।

घरका बाबुआमाको स्वास्थ्य पनि नराम्रो थियो। अचानक आमाको अक्सिजन कम हुन थाल्यो। साँझ पाँच बजे पहिला आमाको मृत्यु भयो, रातको एक बजे बुबा पनि बित्नुभयो। कोरोना पोजेटिभ भएपछि लक्ष्मणले छिमेकीबाट सहयोग मागे। छिमेकीहरू र आफन्तहरू कुनै पनि सहयोगका लागि आएनन् ।

गैरसरकारी संस्था चलाउँने इर्तिजा कुरैशी र सादिक अहमदले थाहा पाए पछि उनीहरु लक्ष्मणको घरमा पुगे।

यो पनि,,,कोरोनाको खोप लगाइसकेकाले हिँडडुल गर्दा मास्क लगाउन नपर्ने

पूर्ण खोप लगाइसकेकाहरूले बाहिर हिँडडुल गर्दा मास्क लगाउन नपर्ने भएको छ ।

खोपका आवश्यक मात्रा लगाइसकेकाहरूले एक्लै हुँदा सानो समूहमा रहँदा मास्क लगाउन नपर्ने अमेरिकाको सेन्टर फर डिजीज कन्ट्रोल एन्ड प्रिभेन्सन (सीडीसी)ले घोषणा गरेको छ ।

तर कोठाभित्र वा भिडभाडयुक्त स्थलहरूमा अझै पनि मास्क लगाउन पर्ने सीडीसीले जनाएको छ ।

हालसम्म ९ करोड ५० लाख अमेरिकीले खोपको पूर्ण मात्रा लगाइसकेका छन् । सीडिसीको नयाँ मापदण्डप्रति राष्ट्रपति जो बाइडनले खुसी व्यक्त गरेका छन्।

उनले कोरोनाभाइरस खोपका पूर्ण मात्रा लगाइसकेका मानिसहरूलाई अब बाहिर मास्क लगाउन नपर्ने बताएका छन् ।

उक्त घोषणापछि उनी ह्वाइट हाउसमा मास्कविना केहीबेर हिँडेका थिए । महामारीविरुद्ध लडाइँमा अमेरिकाले सफलता हासिल गरेको भन्दै खुसी व्यक्त गरे ।

तपाईको प्रतिक्रिया
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

सम्बन्धित समाचार

Back to top button