राउटे सम्झनाका बारेमा कसले फैलायो यस्तो गलत हल्ला ?

काठमाडौ । युट्युवमा जिउँदो मानिसलाई पनि अस्ताइन् भन्ने शिर्षक राखेर भ्रम सिर्जना गरिएको भन्दै त्यस्ता युट्युव च्यानललाई कारवाहीको माग गरिएको छ ।

राउटे​ युवती सम्झना शाहीलाई ‘अस्ताइन् सम्झना’ शीर्षक राखेर एउटा युट्युव च्यानले भिडियो सामग्री सार्वजनिक गरेको थियो ।

जिवित मानिसलाई पनि गलत अर्थ लाग्ने शिर्षक राखेर भ्रभ छरेको भन्दै राउटे, लोपोन्मुख, सिमान्तकृत वर्ग उत्थान प्रतिष्ठानले आपत्ती जनाएको छ।

प्रतिष्ठानले जिउँदो व्यक्तिलाई त्यस्तो आपत्तिजनक तरिकाले गलत प्रचार गर्न नपाईने भन्दै प्रतिष्ठानले कानुन अनुसार कारवाहीको माग गरेको हो ।

प्रतिष्ठानका अध्यक्ष सत्यदेवी खड्काले विज्ञप्ती जारी गर्दै यस्तो माग राखेकी छन् । उनले राउटे चेलीको मानव अधिकार संरक्षणका साथै न्याय दिएर शान्ति सुरक्षा कायम गरिदिन जिल्ला प्रशासन कार्यालय सल्यानलाई आग्रह समेत गरेकी छन् ।

पत्रमा भनिएको छ,‘ नेपाल खबर नामक एक युट्युव च्यानलले ‘‘ अस्ताइन् सम्झना–’ शीर्षक राखेर गलत कुराको प्रचार गरिएको छ । राउटे चेलीको मानव अधिकारको हनन् भएको छ।’

खड्काले भनिन्, ‘जंगलमा घुमन्ते राउटे समुदायका चेलीहरूलाई बारम्बार चरित्र ह र ण गर्ने खालका कार्य गर्ने र गराउने प्रविधिलाई रोक्ने प्रयास भईरहेको छ। त्यसका लागि लोपोन्मुख सिमान्तकृत वर्ग उत्थान प्रतिष्ठान नेपालका कर्णाली प्रदेश सदस्य वसन्ता दाहाल सहित नेपाल प्रहरीले निरन्तर काम गरिरहेका छन् ।’

यद्यपि, राउटे युवती सम्झनाको पुरानो तस्वीरको प्रयोग गरेर गलत प्रचार गरिएको छ। उक्त, युट्युव च्यानलको मेन हेडलाईन ‘ अल विदा सम्झना राउटे’ भनिएको छ ।

एक रुपैयाँ खान्न एक रुपैयाँ खान दिन्न भन्ने भाइरल मेयर फागोको नगरमा यो हबिगत: १७ लाखको कल्भर्ट सात दिनमा बन्यो, ९ दिनपछि भत्कियो

सधैं सुशासनका भाषण गरेर नथाक्ने उर्लाबारी नगरपालिकाका मेयर खड्ग फागोले योजना सम्पन्न नगरिकन रकम निकासा गरिदिएको खुलासा भएको छ।
मोरङको उर्लाबारी–१ मेचेडाँगीमा निर्माण भएको कल्भर्ट निर्माण सम्पन्न नभई गत असार २४ गते आएको बाढीले भत्कायो।

असार ७ गते सम्झौता भएर १५ गते निर्माण सम्पन्न भएको कल्भर्ट गुणस्तरहीन सामग्री प्रयोग गरेर बनाएको स्थानीयको भनाई छ।

मेचेडाँगीबाट १ नम्बर वडा कार्यालय जाने सडकको विकासे पैनीमा निर्माण भएको कल्भर्ट यति बेला दुबै तर्फको सडकसाग सम्पर्क बिहीन बनेको छ।

उप मेयर लक्ष्मीदेबी भण्डारीले कल्भर्टको अनुगमन गरेर रकम निकासा रोक्ने प्रयास गरेपनि मेयर फागोसँग निकट निर्माण कम्पनी भएकोले निकासा नरोकिएको बताइएको छ।

मध्य वर्खायाममा कल्भर्ट निर्माण नगर्ने स्थानीय बासिन्दाको अनुरोधलाई बेवास्ता गर्दै नगरपालिकाले काम सुरु गरेको स्थानीय नरेन्द्र पौडेलले बताए। उनले भने–वर्खामास काम गर्न सकिन्न।

छिनको छिनमा बाढी आउँछ। विगतमा पनि बाढीले कल्भर्ट बगाएपछि नगरले यो वर्ष बिग्रेको कल्भर्ट निर्माण योजना भनेर कल्भर्ट निर्माणको ठेक्का लगाएको हो।

कल्भर्ट निर्माण गर्दा ठेकदारले जमिन मुनि ४ फिट पनि आरसीसी नगरेको स्थानीयको भनाई छ। कल्भर्ट जमिनमाथि टक्रक्क राखिएको छ। दुई सुताका रड लगाएर कल्भर्टको पङ्खा जोडिएको छ।

स्थानीयले भने, ठेकदारसँग हामीले राम्रो काम गरिदिनु भनेर याचना गर्‍यौं। तर, हामीलाई उल्टो थर्काए।

कल्भर्ट १७ लाख ३५ हजार ६५९ रुपैयाँ ६२ पैसामा अग्नि एण्ड सन्स निर्माण सेवा प्रालि कन्काई ३ झापाले निर्माण गरेको हो। नगरको आयोजना बोर्डमा उल्लेख भए अनुसार २०७८ को असार ७ गते योजनाको सम्झौता भएको हो। सात दिन अर्थात असार १५ गते योजना सम्पन्न भएको थियो।

योजना सम्पन्न भएको ९ दिनपछि असार २४ गते राति आएको बाढीले कल्भर्ट भत्काएको छ।कल्भर्टको दुबैतर्फको सडकको भाग बगेपछि अहिले सो सडक अवरुद्ध भएको छ।

सात दिनमा कल्भर्ट बनाए पनि निर्माण कम्पनीले नगरबाट पैसा लगेको नगर उप(प्रमुख लक्ष्मीदेवी भण्डारीले बताइन्। भण्डारीका अनुसार जति काम भएको छ, त्यतिको मात्र पैसा दिइएको हो।

बाँकी काम गर्न असोज मसान्तसम्म म्याद थपी पैसा दिइएको बताइन्। तर, नगरपालिका स्रोतका अनुसार ३० हजार रुपैयाँ मात्र ठेकेदारले लान बाँकी छ। कल्भर्ट निर्माण सम्पन्न गर्न अझै ३ लाख बढी रकम आवश्यक पर्ने स्थानीय बासिन्दाको भनाई छ।

उता सोही वडाको हिले डाँगीमा निर्माण भएको अर्को कल्भर्ट निर्माण सम्पन्न नहुँदै भत्किएको छ। मध्यवर्खामा छिटो छिटो काम गर्दै बजेट सक्ने परिपाटीले उर्लाबारीका अधिकांश योजना सम्पन्न हुन नसकेको उप प्रमुख भण्डारीले बताइन्। उनले भनिन्, ुधेरै जसो योजनाको म्याद असोज मसान्त सम्म थपिएको छ।

अनुगमन गरेर भएको कामको मात्र पैसा दिएका छौं।

गत आर्थिक वर्षमा नगरको गौरवको आयोजना भनेर घोषणा गरिएका दुई वटै आयोजनाको काम सुरुसम्म हुन सकेन। नगरमा जताततै नीतिगत भ्रष्टाचार छ। अनि मेयर भन्छन्–म भ्रष्टाचार गर्दिन र गर्न पनि दिने छैन ? काम नै सम्पन्न नगरी अग्रिम पैसा भुक्तान दिनु भ्रष्टाचार हो कि होइन मेयर साव ?

तपाईको प्रतिक्रिया
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

सम्बन्धित समाचार

Back to top button