मौसम पूर्वानुमान : आज यी स्थानमा भारी वर्षाको सम्भावना

मौसम पूर्वानुमान महाशाखाले प्रदेश १, गण्डकी, कर्णाली, लुम्बिनी र सुदूरपश्चिम प्रदेशका एक/दुई स्थानमा भारी वर्षाको सम्भावना रहेको जनाएको छ । 

महाशाखाले भारी वर्षाका कारण आज पहाडी  भूभागमा भूक्षय, पहिरो  र गेग्रान बहावको जोखिम रहेको हुनाले नदीनाला र खहरे खोलामा  पानीको सतह बढ्न सक्ने भएकोले आवश्यक सतर्कता अपनाउन आग्रह गरेको छ ।

महाशाखाले आज नेपालमा मनसुनी वायुको प्रभाव रहेको र हाल देशभर सामान्य बदली रही प्रदेश १ का केहि स्थानहरुमा र बाँकी प्रदेशका एक/दुई स्थानहरुमा हल्का वर्षा भैरहेको छ।

यसैगरी, आइतबार दिउँसो देशभर सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ। भने, कर्णाली, लुम्बिनी, गण्डकी र सुदूरपश्चिम प्रदेशका एक/दुई स्थानमा भारी वर्षाको सम्भावना रहेको छ।

यस्तै, आज राति देशभर सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ। यता, प्रदेश १, गण्डकी, लुम्बिनी र सुदूरपश्चिम प्रदेशका एक/दुई स्थानमा भारी वर्षाको सम्भावना रहेको छ।

केन्द्रीय समितिका एजेण्डा तय गर्न माओवादी बैठक बस्दै

नेकपा (माओवादी केन्द्र)ले स्थायी समितिको बैठक बोलाएको छ ।

बैठक ११ बजेपछि माओवादी केन्द्रीय कार्यालय पेरिसडाँडामा बस्ने नेता नारायणकाजी श्रेष्ठले जानकारी दिए । नेता श्रेष्ठका अनुसार आजको बैठकमा साउन २० गतेदेखि बस्ने केन्द्रीय समिति बैठकको एजेण्डा तय गर्नेछ ।

साथै बैठकमा पछिल्लो राजनीतिक घटनाक्रमबारे समेत छलफल हुने नेताहरुले बताएका छन् ।

माधवको प्रस्ताव बोकेर बालकोट पुगेका पाण्डे र रावल निराश

नेकपा एमालेको स्थायी समिति बैठक आज दिउँसो ३ बजे बस्दैछ । तुलसीलाल अमात्य प्रतिष्ठान च्यासलमा बस्ने बैठकमा एमाले केन्द्रीय विभागहरूको पूर्णता, विधान महाधिवेशनको तयारी र पार्टी सदस्यता नवीकरण र वितरण छलफलका एजेण्डा तय गरिएका छन् ।

यिनै विषयमा छलफल गर्न शनिबार बोलाएको स्थायी समिति बैठक विघटित कार्यदलका सदस्यहरूको आग्रहमा आइतबारसम्म स्थगित गरिएको थियो ।

विघटित कार्यदलका सदस्यहरूको शनिबार बिहान बसेको बैठकले स्थायी समिति बैठक स्थगित गरेर सहमति जुटाउन प्रयास गरेको थियो ।

सोही अनुसार माधव नेपाल पक्षका नेताहरू भीम रावल र सुरेन्द्र पाण्डेले शनिबार अपराह्न पहिला वरिष्ठ नेता नेपाल र त्यसपछि केपी शर्मा ओलीसँग भेटवार्ता गरेका थिए ।

रावल र पाण्डेसँगको भेटमा अध्यक्ष ओली र नेपाल दुवैले आफूले अघि सार्दै आएका अडान नछोड्ने बताएका थिए । नेता नेपालले ओलीसँग समान हैसियतमा मात्रै एकता हुने अडान अघि सार्दै आएका छन् भने ओली दोस्रो दिन तयार भए पनि समान हैसियत दिन तयार छैनन् ।

ओली पक्षीय नेता सुवासचन्द्र नेम्वाङले पार्टी एकताका लागि शनिबारको स्थायी समिति बैठक आजसम्मलाई स्थगित गरिएको जानकारी दिए । ‘आम नेता कार्यकर्ताको चाहाना पार्टी एकताकै पक्षमा छ ।

त्यही भएर हामीले पहल र प्रयास गरेका हौ’, नेता नेम्वाङले भने, हुँदै नहुने भएपछि त अघि बढ्नुको विकल्प पनि रहँदैन ।’

नेताहरूका अनुसार अध्यक्ष ओलीले माधव नेपालबाहेकको पार्टी एकता र माधव नेपालले ओलीसमान हैसियत खोजेकाले एकता प्रक्रिया जटिल बन्दै गएको छ ।

‘ओली र नेपाल दुवैका प्रस्ट अडान छन् । नेता नेपाल पार्टीका सबै निर्णयमा आफू र ओलीको समान हैसियत हुनुपर्ने र त्यसका लागि दुवैको हस्ताक्षर अनिवार्य गर्ने सर्तमा मात्रै एकता गर्न चाहन्छन्, तर ओली त्यस कुरामा सहमत हुनुहुन्न’, एमालेका एक स्थायी समिति सदस्य भन्छन्, ‘यस्तो अवस्थामा परिवर्तन नआउँदासम्म एमाले एकता हुने सम्भावना कमजोर बन्दै गएको छ ।’

शनिबार नेता नेपाल र अध्यक्ष ओलीलाई भेटेर फर्किएका नेता सुरेन्द्र पाण्डेले परिस्थितिमा कुनै परिवर्तन नआएको बताए ।

‘परिस्थितिमा कुनै परिवर्तन आइसकेको छैन । यद्यपि हामीले दुवै नेतालाई भेटेर सहमतिका लागि जोड दिएका छौ’, पाण्डेले रातोपाटीसँग भने, ‘आज पनि कार्यदलका सदस्यहरुबीच छलफल गर्ने कि भन्ने छ, छलफल भइरहेकाले समय तय भैसकेको छैन ।’

दोस्रो तहका नेताहरूको एकता प्रयास कायमै रहेका बेला अध्यक्ष ओली र नेता नेपालले एकअर्काप्रति आरोप/प्रत्यारोप गर्न छाडेका छैनन् ।

शनिबार मात्रै अध्यक्ष ओलीले आफू पक्षीय कार्यकर्तालाई सम्बोधन गर्दै माधव नेपाललाई आन्दोलन विरोधी, देशद्रोही र अपराधी भन्दै उनलाई एमालेमा कुनै स्थान नभएको बताएका थिए ।

त्यसै बेला वरिष्ठ नेता नेपालले अध्यक्ष ओलीलाई फेरि पनि प्रधानमन्त्री बन्छु की भन्ने जालझेल र षडयन्त्रका तानावाना नबुन्न चेतावनी दिएका थिए ।

तपाईको प्रतिक्रिया
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

सम्बन्धित समाचार

Back to top button