महेश बस्नेत ‘फायर’, ओलीलाई गराए ध्यानाकार्षण
काठमाडौं । नेकपा (एमाले) का नेता प्रभु साहको नेतृत्वमा हिजो आईटी आर्मी गठन भएको छ ।
पार्टीविरुद्ध गलत प्रचार र भ्रम हुने भन्दै त्यसलाई चिर्नको लागि आईटी आर्मी गठन गरिएको जनाईएको छ ।
एमालेमा साईबर सेना हुँदाहुँदै अर्को आईटी आर्मीको कुनै आवश्यकत्ता नरहेको महेश बस्नेतलगायत नेताहरुको बुझाई छ ।
तर, हिजो टोपबहादुर रायमाझी, प्रभु साह लगायतको उपस्थितिमा उक्त आईटी आर्मीको उद्घाटन गरिएको हो । महेश बस्नेतले यसबारेमा पार्टी अध्यक्ष केपी शर्मा ओलीसँग पनि आफ्नो असन्तुष्टि राखेका छन् । आफूहरुले सरकार र पार्टी नेतृत्वको पक्षमा साईबर सेना बनाएर काम गरिरहेको अवस्थामा आफूहरुलाई माईनस गर्ने उधेश्यले आईटी आर्मी गठन गरिएको बस्नेतको निश्कर्ष छ । उनले तत्काल पार्टी नेतृत्वले यसबारेमा सोच्नुपर्ने बताएका छन् ।
उता, प्रभु साहहरु आईटी आर्मीको उद्घाटनमा व्यस्त हुँदा बस्नेत भने राष्ट्रिय युवा संघको विस्तारित बैठकलाई सम्बोधन गर्दै थिए ।
उनले हिजो माधव नेपाललाई पार्टीमा अब नफर्किन भन्दै विदा भए सम्मानजनक रुपमा विदाई गर्ने पनि घोषणा गरेका छन् ।
बस्नेतकै मास्टर प्लानअनुसार एमालेका युवाहरुले साईबर सेना गठन गरेका थिए । यसको सेनापतिमा बस्नेत नै छन् ।
आफ्नो पार्टीका अध्यक्ष ओलीको नेतृत्वमा रहेको तत्कालिन सरकारका राम्रा कामको प्रचारप्रसार गर्ने र सरकारविरुद्ध गरिने भ्रमलाइृ चिर्नको लागि बस्नेतले साईबर सेना गठन गरेका थिए ।
पार्टीमा साईबर सेना हुँदा हुँदै फेरि आईटी आर्मी किन आवश्यक पर्यो ? भनेर बस्नेतले गुनासो पोखेका छन् ।
तर, यसबारेमा अध्यक्ष ओलीले भने कुनै प्रतिक्रिया दिएका छैनन् । साहले आईटी आर्मीको उद्घाटन ओलीले नै गर्ने बताउँदै आएका थिए ।
तर, अन्तिम समयमा ओली उद्घाटनमा गएनन् । कतै बस्नेतको असन्तुष्टिका कारण ओली नगएका हुन् कि ? त्यो भने पुष्टि हुन बाँकी छ ।
भिम रावलले पनि गरे कित्ता क्लियर, बानेश्वरको बैठकमा गएनन्
नेकपा एमालेका अध्यक्ष केपी शर्मा ओली प्रति निकै खरो रुपमा प्रस्तुत हुने नेता भिम रावलको पछिल्लो गतिविधि भने फरक छ ।
वरिष्ठ नेता माधवकुमार नेपाल पक्षको विघटित कार्यदलको संयोजक समेत रहेका उनले नेपालको साथ छोडेको प्रष्ट संकेत दिएका छन् ।
सुरुमा नेपाली कांग्रेसका सभापति शेरवहादुर देउवालाई प्रधानमन्त्री बनाउन निकै सकृय रहेका रावल तत्कालिन प्रधानमन्त्री रहेका ओलीलाई वालुवाटारमा भेट गरेपछि अचानक फेरीएको माधव पक्षका नेताहरुले आँकलन गरेका छन् ।
देउवालाई विश्वासको मत दिने अन्तिम समयमा सांसद पदवाटै राजिनामा दिएका रावल अहिले नेपाल पक्षले राखेको बैठकमा सहभागी भएका छैनन् ।
मंगलवार र बुधवार माधव पक्षको बैठक बसेको छ । तर उनी सहभागी भएनन् । बुधवार स्थायी कमिटी बैठक बसेको छ।
बुधबार दिउँसो बानेश्वरमा नेपाल पक्षको स्थायी कमिटी सदस्यको बैठक बसेको हो। असार २० गते भेटेका थिए। त्यस यता उनको ब्यवहार फरक भएको नेताहरुको भनार्य छ ।
देउवालाई विश्वासको मत नदिन सांसद पदवाट राजिनामा दिएपछि उनले नेपालको साथ छोडेको बताइएको थियो ।
स्थायी कमिटी बैठकमा पनि सहभागी नभएपछि त्यो पुष्टि भएको छ। नेपाल पनि रावलका गतिविधिबाट असन्तुष्ट रहेको उनीनिकट स्रोतको दाबी छ।
