बुधबारसम्म देशैभर मौसम खराब रहने :

काठमाडौं । काठमाडौंमा आज बिहान हल्का पानी परेको छ । मौसमविद समिर श्रेष्ठले दिएको जानकारी अनुसार, बादल लाग्ने र हल्का पानी पर्ने क्रम बुधबारसम्मै जारी रहने छ ।
उनको अनुसार पानी ठुलो नपर्ने तर आज दिनभरी नै काठमाडौंमा मौसम खराब रहने छ । घाम लाग्ने सम्भावना निकै कम रहेको छ ।

मौसमविद सविर श्रेष्ठका अनुसार काठमाडौं उपत्यका सहित धेरैजसो पहाडि जिल्लाहरुमा हल्का पानी परेको छ । उच्च पहाडी र हिमाली जिल्लाहरुमा हिमपात पनि भएको छ ।
पानि परे पनि आज काठमाडौं उपत्यकामा अघिल्लो दिनको तुलनामा न्यानो महसुस भएको छ । मौसमविद श्रेष्ठले बताए अनुसार आज बिहानको न्यूनतम तापक्रम ११ डिग्री सेल्सियस मापन भएको छ ।

धेरैजसो भूभागहरुमा वर्षा र हिमपातको सम्भावना रहेको र यो प्रणाली पुस २२ गते देखि कमजोर हुँदै जाने पूर्वानुमान गरिएको छ ।