प्रधानमन्त्रीले उद्घाटन गरेको पुलको शिलालेख तो ड फो ड, ४ वर्ष अघि प्रचण्डले पनि गरेका थिए उद्घाटन
देउखुरीको सिसहनिया–महदेवा जोड्ने नेपालकै दोस्रो लामो पुलको उद्घाटन दुई पटक सिलान्यास भयो ।
तत्कालिन प्रधानमन्त्री पुष्पकमल दाहाल प्रचण्डले २०७३ सालमा उद्घाटन गरेको सो पुलको उद्घाटन फेरी वर्तमान प्रधानमन्त्री केपी शर्मा ओलीले गरे ।
गत माघ १२ गते प्रधानमन्त्रीले उद्घाटन गरेको पुलको शिलालेख तो ड फो ड भएको छ ।
प्रधानमन्त्री केपी शर्मा ओलीले हालै उद्घाटन गरेको पुलको शिलालेख तो ड फो ड भएको जिल्ला प्रहरी कार्यालय दाङका निमित्त प्रहरी प्रमुख डिएसपी मुकुन्द रिजालले बताए ।
तर कसले त्यसो गर्यो भन्ने कुरा भने खुलेको छैन ।
प्रधानमन्त्री ओलीले पुलको उद्घाटन गर्दा सुरक्षाको कारण देखाउँदै स्थानीयलाई निषेध गरिएको थियो । त्यती बेला नै स्थानियले शिलालेख लेख्नेक्रममा त्रुटि भएको भन्दै विरोध जनाएका थिए ।
तर उनीहरुको कुरा सुनुवाई भएन । तीन दिन अगाडि तो ड फो ड भएको बताइएको छ ।
प्रहरीले घटनामा संलग्नको खोजी र अनुसन्धान भइरहेको बताएका छन् ।
पुलको धेरैजसो भाग महदेवाको मौजामा बने पनि शिलालेखमा महदेवाको नामै नलेखिएको भन्दै पुल उद्घाटन हुने दिनदेखि नै स्थानीय रु ष्ट बनेका थिए ।
उनीहरुले शिलालेख सच्याउन स्थानीय जनप्रतिनिधिमार्फत् दबाव दिँदै आए पनि त्यो नभएपछि शिलालेख तो ड फो ड भएको हुन सक्ने प्रहरीको अनुमान छ ।
राप्ती गाउँपालिकाको सिसहनिया र गढवा गाउँपालिकाको महदेवा जोड्ने सो पुल ८६० मिटर लम्बाइ र साढे १० मिटर चौडाइको छ ।
पुलको शिलान्यास तत्कालीन प्रधानमन्त्री पुष्पकमल दाहाल ‘प्रचण्ड’ले २०७३ मंसिर २२ गते गरेका थिए ।
