नेकपामा समस्याको जड वामदेव गौतम : लालबाबु पण्डित
पूर्वमन्त्री समेत रहेका नेता पण्डितले नेकपा एकीकरणमा समस्याको जड वामदेव गौतम भएको टिप्पणी गरे ।
‘वामदेव कमरेडकै कारणले यत्रो भएको हो । बामदेव कमरेडको मिलाउने कुरा छँदै थिएन । च्याखे थापेर आफूतिर केन्द्रित गर्न खोज्या हो’ पण्डित भन्छन्, ‘सचिवालयको बैठकमा उहाँ जता लाग्दा त्यतै बहुमत पुग्थ्यो नि । तर, उहाँले सुरु देखि प्रधानमन्त्री खोज्नुभयो । संसदमा इन्ट्री खोज्नुभयो । निर्वाचनबाट इन्ट्री नभएपछि मनोनितमा जान्न भन्नुभयो । पछि कहीँ जित्ने आधार तय भएन । त्यसपछि मनोनीतमा तयार हुनुभयो । बेइज्जत गर्नुभयो नि ।’
केपी ओली र प्रचण्डको बीचमा रहेर गौतमले लाभ लिन खोज्दा समस्या आएको उनको भनाइ छ ।
आफूतिर बहुमत छ भन्ने नेताहरुको घमण्ड सर्वोच्च अदालतको फैसलाले तोडिदिएको नेता पण्डितले टिप्पणी गरे ।
‘पार्टी फोड्छु, हामी बहुमत छौं, उहाँ अल्पमत हो, संसदीय दलको नेता म, अविश्वास प्रस्तावको कुरा जुन थियो ती सबै घमण्डहरु तोडियो । ती समस्याको पनि समाधान भयो’ पण्डितले भने ।
