नयाँ वर्षको अवसरमा चलचित्र ‘श्री’ प्रदर्शन हुने

‘एभरेस्ट’ सूर्य बोहराद्वारा निर्देशित चलचित्र ‘श्री’ नयाँ वर्षको अवसर पारेर चैत २७ गते शुक्रबारबाट देशभर प्रदर्शनमा आउने भएको छ ।

यस अघि डिजिटल प्ल्याट्फर्म मार्फत मात्र सार्वजनिक हुने भनिएको उक्त चलचित्र अब भने हलमा समेत प्रदर्शन हुने भएको छ ।

कोरोना र लकडाउनमा आधारित सो चलचित्रमा सन्दिप क्षेत्री, वर्षा शिवाकोटी, बुद्धि तामाङ, रविन्द्र झा, भोला सापकोटा, राजाराम पौडेल, सविता गुरुङ, मोहन कृष्ण श्रेष्ठ आदि कलाकारको अभिनय रहेको छ ।

‘एभरेष्ट सूर्य बोहरा फिल्म्स’ को ब्यानरमा निर्माण गरिएको उक्त चलचित्रमा सविता गुरुङ र ओएसआर डिजिटलको लगानी रहेको छ ।

उक्त चलचित्रलाई उपत्यकामा जिजिए ग्रुप र मोफसलमा एफडी कम्पनीले वितरण गर्नेछ ।