चलचित्र ‘सम्हालिन्छ कहिले मन’को प्रदर्शन मिती सार्वजनिक,भदौ १८ मा हुने भयो धमाका
यतिबेला चलचित्र ‘सम्हालिन्छ कहिले मन’को पूर्ण रुपमा छायांकन सकिएको छ । छायांकन सकिएलगतै निर्माण टिमले दिएको जानकारी अनुसार चलचित्रको प्रदर्शन मिती भदौ १८ गते तय गरिएको छ ।
करिब एक हप्ता दुबईको रमणीय स्थानमा छायाँकन पश्चात यस चलचित्रले आफ्नो सम्पूर्ण छायांकनलाई पुर्णविराम लगाएको छ । यस चलचित्रको ९५ प्रतिशत छायाँकन लकडाउन अघि नै यूकेमा गरिएको थियो ।
सो चलचित्रमा पूजा शर्मा, आकाश श्रेष्ठ र सोनाम तोप्देनको मुख्य भूमिका रहेको छ ।
साथै गौरी मल्ल, धिरेन शाक्य, सरोज खनाल, मरिष्का पोख्रल आदि कलाकारहरुको अभिनय रहेको छ ।
ए.वी ईन्टरनेशनल प्रा.ली को निर्माणमा बनेको यस चलचित्रका निर्देशक सुदर्शन थापा हुन् भने निर्माता अमित बस्नेत र सह–निर्माता अजित कुमार थापा हुन् ।
साथै यस चलचित्रको निर्माण नियन्त्रक बिक्रम प्रसाद पण्डित हुन् । सौरभ लामा छायाँकार रहेको फिल्मको निर्माण लागत भने खुलाईएको छैन ।
