ओलीको साथ छोड्दै यी ३ माओवादीका नेता
सर्वोच्च अदालतको पछिल्लो फैसला पछि पनि आफ्नो पुरानो पार्टी छोडेर फरक नेताको साथमा लागेकाहरु अब फर्कन थालेका छन् ।
प्रदेश २ मा प्रधानमन्त्री केपी शर्मा ओलीको पक्षमा लागेका नेकपा माओवादी केन्द्रका तीन प्रदेश सांसद आफ्नै पार्टीमा फर्किने भएका छन्।
उनीहरुले ओलीको साथमा नरहने निर्णय गरेका छन् । प्रतिनिधिसभा विघटन गर्ने ओलीको कदममा साथ दिएर प्रचण्डको साथ छोडेकाहरु अब फेरी माओवादी केन्द्रमै फर्कने निष्कर्षमा पुगेका हुन् । ओलीको पक्षमा लागेका चार जनामध्ये कुन्दन कुशवाहा, रामचन्द्र मण्डल र मो। समिरले माओवादीमै फर्किने निष्कर्षमा पुगेका छन् ।
ओली पक्षमा लागेकी माओवादीकै ज्वालाकुमारी साहले भने निर्णय सुनाएकी छैनन् ।
एमालेका २१ र माओवादी केन्द्रका ११ जना सांसद छन्।
दुवै दल एकता हुँदा नेकपामा ३२ जना सांसद रहेका थिए। तर पुस ५ गते प्रधानमन्त्री ओलीले प्रतिनिधिसभा विघटन गरेपश्चात नेकपाका सांसदहरु दुई गुटमा विभाजित भएका थिए।
