आफ्नो नीजि निवास पुगेका ओलीले बार्दलीमा उभिएर सर्वोच्च अदालत र माधव नेपाललाई दिए यस्तो चेतावनी

काठमाडौँ । सोमवार सर्वोच्चको फैसलावाट प्रधानमन्त्री पद गुमाएर बुधवार वालुवाटार छोडेर नीजि निवास पुगेका नेकपा एमाले अध्यक्ष केपी शर्मा ओलीले बाल्कोट स्थित आफ्नो घरको वार्दलीमा उभिएर सर्वोच्च अदालतप्रति रोष प्रकट गरेका छन् ।

उनले आफ्नै पार्टीका वरिष्ठ नेता माधवकुमार नेपाललाई पनि चेतावनी दिएका छन् ।

उनले नेता माधवकुमार नेपाललाई पार्टीमा कुनै ठाउँ नभएको चेतावनी पनि दिए । प्रधानमन्त्रीको सरकारी निवास बालुवाटारबाट बुधवार निजी निवास बालकोट पुगेका हुन् ।

उनलाई युवासंघका युवाहरुले स्कटिङ गरेका थिए । आफ्नै पार्टी भित्रको विवादका कारण प्रधानमन्त्री पद गुमाउनु परेका कारण उनी नेता नेपाल प्रति निकै कठोर देखिएका छन् । ओलीले माधव नेपालले पार्टीभित्र आत्मालोचना गर्ने कुनै ठाउँ नै नराखेको बताए ।

निजी निवासमा ओलीलाई स्वागत गर्न पुगेका कार्यकर्तालाई सम्बोधन गर्दै ओलीले माधव नेपाललाई एमालेमा स्वीकार्ने कुनै ठाउँ नै बानी नरहेको बताए ।

उनले भने, ‘हाम्रो साथीहरू विकाउ माल बने, बिरोधीलाई अदालतबाट सत्ता बुझाए, ती विकाउ माललाई अवस्था भविश्यले निर्धारण गर्ला । अरु साथीहरूको हकमा पार्टीमा काम सँगै काम गर्न सकिएला तर माधव नेपालको हकमा एमालेमा स्वीकार्ने कुनै ठाउँ बाँकी छैन ।’

तत्कालीन अर्थमन्त्री खतिवडाले भेट समेत नदिएका जनार्दन अर्थमन्त्री बनेर सिंहदरबार फर्किए

तत्कालीन अर्थमन्त्री युवराज खतिवडासँग भेट्न समेत नपाएका जनार्दन शर्मा ‘प्रभाकर’ ले अर्थ मन्त्रालय सम्हालेका छन्।

२०७४ सालमा झण्डै दुई तिहाइ मत ल्याएर केपी शर्मा ओली प्रधानमन्त्री बने। त्यतिबेला ओली र पुष्पकमल दाहाल प्रचण्ड आलोपालो प्रधानमन्त्री हुने सहमति थियो।

तत्कालीन नेकपामा अर्थमन्त्रीका आकांक्षी थुप्रै थिए। त्यसमध्ये शर्मा पनि एक थिए।

तर, उनलाई आफू प्रधानमन्त्री हुने पालो आएपछि अर्थमन्त्री बनाउने आश्वासन प्रचण्डले दिए। त्यसपछि शर्माले अर्थशास्त्रसम्बन्धी किताबहरु पढ्न थाले। अर्थविदहरुसँग भेट्ने, छलफल गर्ने र अर्थव्यवस्थाबारे जानकारी पनि लिन थाले।

ओली–प्रचण्डको सत्ता आलोपालो गर्ने सहमति कार्यान्वयन हुने र प्रचण्ड प्रधानमन्त्री भएलगत्तै आफू नै अर्थमन्त्री बन्नेमा शर्मा ढुक्क थिए।

ओलीले सत्ता सम्हालेपछि ‘टेक्नोक्य्राट’ युवराज खतिवडालाई अर्थमन्त्री बनाए। लामो समय नेपाल राष्ट्र बैंकका बिताएका तथा राष्ट्र बैंकका गर्भनर र राष्ट्रिय योजना आयोगका उपाध्यक्ष समेत भएका युवराज खतिवडाले अर्थतन्त्रलाई सही दिशा दिने अपेक्षा पनि थियो।

तर, त्यसो हुन सकेन। उसो त खतिवडा अरुको कुरा सुन्दै नसुन्ने व्यक्तिका रुपमा परिचित छन्। अर्थ मन्त्रालयले जहिले पनि फागुनमा अर्धवार्षिक बजेट समीक्षा गर्छ। त्यसपछि नयाँ बजेट निर्माणको तयारी सुरु गर्छ।

नयाँ बजेटको तयारी सुरु भएपछि मुख्यतः सरोकारवालाहरु आआफ्ना माग राख्न अर्थमन्त्रीलाई भेट्न जाने गर्छन्।

त्यही समयमा शर्मा पनि अर्थमन्त्री खतिवडालाई भेट्न अर्थ मन्त्रालय पुगेका थिए। तर, नेकपाको प्रभावशाली नेताको रुपमा चिनिने शर्मालाई खतिवडाले भेट समेत दिएनन्।

रुकुम पश्चिमस्थित आफ्नो निर्वाचन क्षेत्रमा सडक निर्माणको कार्यक्रम बजेटमा राखिदिनुपर्यो भन्न उनी मन्त्रालय पुगेका थिए। भेट्न नपाएपछि शर्माले ‘एक सांसदले समेत अर्थमन्त्रीलाई भेट्न पाउँदैन भने उसले कसरी जनताको काम गर्न सक्छ?’ भनेर सार्वजनिक अभिव्यक्ति समेत दिएका थिए।

उतिबेला अर्थमन्त्रीलाई भेट्न नपाएका शर्मा आहिले अर्थ मन्त्रालय सम्हाल्न आइपुगेका छन्। हुन त शर्माले यसअघि नै शान्ति तथा पुनर्निर्माण, उर्जा र गृह जस्ता शक्तिशाली मन्त्रालयको जिम्मेवारी सम्हालिसकेका छन्।

उनी उर्जामन्त्री हुँदा नै नेपालमा लोडसेडिङ हटाउने काम सुरु भएको थियो। त्यस्तै उनले विद्युत् चुहावट रोक्न भूमिका पनि खेलेका थिए।

तर, अर्थमन्त्रीका रुपमा अहिले उनको सामु ठुल्ठूला चुनौतीहरु छन्। पहिलो चुनौती त बजेट नै हो। चालू आर्थिक वर्ष सकिन ३ दिन मात्रै बाँकी छ। नयाँ आर्थिक वर्षदेखि नयाँ बजेट कार्यान्वयन गर्नुपर्ने छ।

तर, विष्णुप्रसाद पौडेलले ल्याएको पूर्ण कार्यक्रम सहितको बजेट असंवैधानिक रहेको सर्वोच्च अदालतले नै व्याख्या गरिदिएको छ।

शर्माले अहिलेलाई काम चलाउ बजेट ल्याएर नयाँ बजेट निर्माण गर्नुपर्ने हुन्छ। त्यसपछिको चुनौती हो– कोरोनाले थिलथिलो भएको अर्थतन्त्रको पुनरोत्थान।उद्योगी, व्यवसायीहरुले राहत मागिरहेका छन्।

जनताले खोप मागिरहेका छन्। विकास निर्माणका कार्यक्रम अलपत्र परेको छ। शर्माका अघिल्तिर यी सबै माग र आवश्यकता पूर्ति गर्नुपर्ने दायित्व छ। नेपाल खबरमा दिपक भट्टले यो समाचार लेखेका छन् ।

तपाईको प्रतिक्रिया
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

सम्बन्धित समाचार

Back to top button